Burangir Na Hombang

SEKAPUR  SIRIH BURANGIR NA HOMBANG

Santabi sampulu, sampulu noli hami marsantabi, tu tua sahala ni Raja dohot namora , kahanggi hula dongan, di bolus ni partutur on, hamu si pambaca  contoh hata,  haro an boru di Bona Pasongit Padang Bolak Julu. Paluta- Sumut. Muda adat ni Oppung ta najolo sundut i , nahita tean lopus sonnari, sampai zaman berkesudahan, manjongjongkon adat ugari sasue tu ajaran ni Ugamot ta Islam na di ajarkon ni Rosulullah saw. harana adat i bersendi on tu firman dohot hadist.

Oppungta na jolo sunduti mangalehen tutur- poda tu hita anso tongtong hita rosu di hangoluan, sabile samalu di hamatean. Ima i di bagasan  holong, martahi- marpokat di pastak pago- pago paradat on, uhum dohot ugari. Tar amalkon mai, Hormat mar mora, manat- manat mardongan tubu, asa elek tu anak boru. mar toleransi tu bangsotta, berazaskan  Kebinnekaan Tunggal Ika.

Tarlobi-lobi di zaman sonnari bahat situtu parubahan informasi nahurang cocok tu agamatta dohot adat- istiadatta na hita tean, mangadopi perubahan on, porlu situtu hita parroha on, sangape diantisipasi adatta on ulang targilas budaya orang lain, ditindas , dijajah persaingan era global.

Porlu situtu hita lestarih on Budaya Lokal, memperkaya Budaya Nasionol, bila perlu ke Manca Negara. Harana hita sude turunan Raja dohot namora na mangurupi koum sisolkot, na itte di si ria on, tangi di si lulut on.

Hami tulis naskah singkat hata ni horja, haroan boru/ parumaen, sebangai acuan dihita, khususna hamu di Luat na dao, naingin palalu on horja. Adat ni Opungta najolo sundut i, namun pengetahuan sangaat terbatas.

 Muda dung di baca, dipelajari dengan seksama dan diparbuat, lalu angan- angan, harop roha sian penulis bantuan Infak, zakat di salurkon tu  pambangunan Mesjid Nurul Iman, Sipupus Lombang, Pd. Bolak Julu, Paluta, Sumut. Atas Nama  Bangsawan Siregar, Nomor Rekening Bank Sumut, Cabang Gunung Tua, no : 231. 02. 04. 014380- 8.  , 1220050708640001. CIF  :  01450216

            Semoga infak dan zakat saudara, jadi amal na sosesa di jolo ni Allah swt. dilipat gandakan, berdasarkan Firman ni tu Tuhan ta Qur’an di surat al Bakoroh ayat 261.

Perumpamaan orang yang menginfakkan hartanya di jalan Allah seperti sebutir padi, yang menumbuh tujuh tangkai,  pada setiap tangkainya, ada seratus biji. Allah melipat gandakan bagi siapa yang Dia kehendaki, dan Allah Maha luas, Maha Mengetahui.

Amiiiiin Ya Allah, Ya Robbal A’lamin.

                                                           

Sipupus Lombang, 11 Januari 2017

ACARA MANGIDO BORU.

BARITA NI NAMBORU NI BORU I TU IBOTO NA,-  AYAH POSO NA

            Amang ....! Azis, anak siadosanku, talpok ni pusu-pusukku, gogo ni tondik ku, ubat ni badan simanare. JAGAR- JAGAR TU MORAK KU.

Madung  Ambasang ni Hasona Amang, pusuk nai marsanyom bulung. Madung dapot da Amang  di masona,   lakkama ho matua bulung.

Balakka do nappuna Pd. Bolak Julu. di napa –napa ni Sirumambe.

 Dipalakka dipabuat manjojori Bona Bulu, Mangalulu  sangolu- samate.

Di ari sibulus-bulus, di tanggal 09 Juli 2016. Lakkama manjojor i huta ni morana, mulai marga Harahap, Dalimunte, Hasibuan dohot Rambe. Sian napa- napa ni Sihapas, Barumun, Sirumambe, Batang Pane, Batang Ilung. Songgopma tubukkulan ni mora di alaman G. Tua Huta Lomabang, tulang na Tk. Pardamean marga Harahap Sidakkal. di Tolu Sada Gulan, napa-napa ni Batang Pane,  Halongonan, namargoar si NUR HAYATI Br. Harahap Sidakkal.

            Tumbuk mai mata ni ihan tu mata ni doran, pucuk di cinta ulam tiba, mulakma si boru tulang sian tapian paridian, lalu di topotkonma tu bagas parpidoan, sareto disuguh on air las, kue ari Rayona. ihut Burangir sirumbuk-rumbuk,  pangitean ni hata, nadi donganan , di  awasi ni namboruna.

            Oh.....! Si dulang- dulang, Natubu dirobaen Aek Gariang.

            Oh.......! Si boru tulang, Calon parumaen ni damang- dainang.

            Parsuoan nadi suruh ni Tuhan, sampe marsege-sege abuan.

            Ra dehe ho puduan tali, Tali on andor Baliang.

            Ra dehe ho dongan tumahi, Akkub ni badan namarnyiang. sangape

            Ra dehe ho marbaju Sutera, Akkup ni baju Godang.

            Ra dehe ho pinda huta, Ima i tu Sipupus Lombang.

Alus ni boru namora i :  Si laklak ni Landoru, sirege- rege ni appang.

                                                Si anak ni namboru, hape hamuma babere ni damang.    

                                                Ra do au puduan tali, tali on pangaraut ni handang.

                                                Rado au dongan tumahi ,Asalma adong restu ni damang.

                                                 Ra do au marbaju sutera, Akkup ni baju godang,

                                                Ra do au pinda  huta, direstui Na tobang.

            Dung do hita marsitandaan, homa ia  disalong ni mata.

            Muda ra do ho dongan saparasaan, Bulung Botik mardai Mera.

            vs.       Bulu Arit dehe sanga Bulu Tolang. Baen on garigit sanga handang.

                        Maroban hancit dehe sanga sonang,  Hu paboa jolo tu damang.

            Sugari bolas pangidoan, hita na dua totop saroha, ulang marsarak haran ni bada, sadalanan sampe matetta. lalu hita pudunma sada janji, pernikahan ta on nadi suruh Nabitta.

                        Sapu tangan merah jambu, ulang baen pangapus ilu, hutiop togu janjikku, ho ma ia gogo ni daganakku. Ulang be tinggalkon sada- sada au, disiho di si au. Homa dongan margulu, dongan sailu. Inda songon Roman Zainuddin- Hayati.

Abit salendang dohot gambarku, baen ma i handang manjago dirimu, anso tarbayang au di lambungmu, satiop sumbayang hukirimpe daoku. Diparsarakan marjanji ma nadua sajoli, jangitbo tangan simangido saksi air mata namam bisu :

Main bola di Simangambat, Final nai di Sipirok. Sai bahat ummat ni Nabi Muhammad. ho ma ia na hupaingot- ingot, apapun kelebihn dan  kekurangam  itu Rahmat dari Tuhan. Cinta suci abadi di sarak ni tumbilang.

            Ditanggal 11 Juli 2016, ro ma SMS na  tu anak ku, babere muyu :

            Muda nalitdo doho di Pahu. Di salong di songot ni ari. Muda na giot doho di au. Roma namboru manyapai, sekaligus maroban au

Di jawabma ni anak nami,

           Jongjong di tor Sibohi. Tartatap ma i Hasambi.                                                    

           Ro ma hami menepati janji. Ulang baen be hata giri.

            Onma barita ni anak nami tu hami sapanggadongan di Sipupus Lombangl lalu ditahi ma di Sopo Godang paradaton. atas perintah ni Oppui sian Bagas Godang  Pd. Bolak Julu, so di sosotan , harana, ibotokku, ayakku, edakku, inangku

            Hotang- hotang kotari, Di loppit dua sa botohon.

            Danak-danak sa on nari. Jotjot pa oto- otoh on.                                         

            Madung cocok cabang tu curing, madung olo-olo ni tano di tinggang udan, sareto maroban tu hadomuan. Ale morakku, ......!         Nada be hami palalu tu Parapat,  Donok mai Siboga. Nada be hata on hami paratrat. Palalu hamu baga- baga. so martambah harosuan, .......tangisma........(.mangadung ma. namboru ni boru i )

            ## Dalam tesx , mangadung ma namboru ni boru i tu iboto na  ##                              Di hata damang- dainang, eda dohot ibotokku di huta Aek bayur,

                        Borhat ma dainang, mandapotkon si anak namborumu tu Sipupus,  Tubuan Laklak, tubuan Sikkoru, Tuban anak, tubuan boru. Ulang olak songan bururan, ulang Ippit songon bulalang. Ulang ganjil si dongan na dua- tolu. Muda dung godang pohoppu muyu sangape babere muyu, oban tu bagas nami. Ro hamu inang sian pittu tonga si pitu bukkulan, ulang sian pittu dapur, sirambaskon – dilaoskon. Sareto parumaenku pe si Nur Hayati madung magodang ancimun, boti Sarja Hukum, giot siakkup ni badan na matobang, anakku siAzis. Oh.......... Ayakku, Ibotokku.......siadosanku, Edakku .......naburjuJangit bo tangan si mangido, badan simanare on. na suang songon . Tobu di Gariang, Tiop buhu marpanosoti, Pamatang on madung marngiang, mamikirkon parumaen Nur Hayati...... dan seterusna..........( jawaban ni namboru di huta i.......nahulehen,  au pe gito di au.  ( tangis muse ia mangandung ).   

           HATA NI SUHUTBOLON  MANGIDO BORU

Segala puji dohot syukur tu Allah  swt. mangalehen Rahmat Taufik- Nya, tu hita hambana, dapot martatap muka di bagas namartua on, dalam rangka mangalap tukkot di nalandit, sulu- sulu di nagolap, tu Huta Lombang G. Tua.

 Solawat seiring salam, tu ruh nabi Muhammad saw. moroban umat manusia tu jalan kebenaran,  ber- akhlakul karimah dohot beradab .

            Muda tujuan ni salam , sangape Burangir, ima i Burangir holos- holos tu barisan mora, halak bayo, nattulang, tunggane, tulang, hatobangon, haraja on dipasurung tu Amatta Raja, Raja Panusunan Bulung di Huta Lombang on, mangoloskon giot mangalap tukkot dina landit, sulu-sulu dina golap, patah tumbuh,  hilang berganti, ima i si NUR HAYATI  boru ni Tk. Pardamean Harahap Sidakkal, akkub matobang dongan saparjuangan, anak nami si AZIS SETIADI, anak ni Kari Imom Muda Siregar sian Sipupus Lombang.

Manyungngul padan narobian di tahun 1987, dihata ni Natobang Natoras sian Aek Bayur, dibolkas ni gadis muyu Harahap Tunggal Huayan. gadis ni Bgd Borohim, tu alaman ni Sipupus Lombang.

Borhat ma dainang, mandopotkon si anak namboru. Tubuan lak-lak tubuan sikkoru, tubuan anak tubuan boru, soadong jagar- jagar tu  mora dohot anak boru, ulang ganjil sian halak nadua tolu, sampe hamu marsege-sege abuan lalu manogu-nogu pahoppu, ulang marsarak haran ni bada, tai akkon disarak ni Tumbilang.  Manat markamaranggi, elek mar anak boru. hormat muse marmora. Pagogo matcari anso adong balanjo tu ari hapudian. Sada uwt tu jolo, dua uwat tu pudi.

            Di tahun 1989, rodo kirim solom nami anakboru muyu tu sude mora. mangolo-olo i anak tubu , sehat naro, sehat nadi topotkon. hata pasu-pasu ni morakku tu anak tubu, simbur mangodang ko bere, pengpeng loho matua, ringgas marsipoda, ulang tinggal di habodohan, muda dung dapot di masona ro hamu manyalap si boru tulang. sian pittu tonga paradat on, sipitu bukkulan.

Andilo nahinan, hadang-hadangan mai sonnari. Pangidoan nahinan, jagit on mai sonnari..... Tubuma rao- rao, natubu on di alaman. Pamatang doda padao- dao, tondit tai totop marsingom- goman. leng naritcan lopus sonnari. Burbar ombak di laut Siboga, Lakkitang muli soda, Dosar- dosar taroktokon jantung niba, Hagiot on bia dehe luai, habis silua,  ( tangis ter isa-isak, sikuk- sikutan )

. Bia dehe Oppung Halak Bayo  sodi toktok, sopo on di roba-roba, tar biadehe hudok, ate- ate marosros. adong hagiot ni roha, parumaen on dapot de luai. Dak dik duk jantungku, dotis-dotis da ulukku, kirim solom ni parumaen tu hami sapanggadongan. Si laklak ni landoru, sirege-rege ni appang, Ale anak ni namboru, babere ni damang, kirim solom tu namboru, sianak si boru tulang.  lakkat taon habuatan, lakka sian galanggang panortoran. sisambut gondang simare tondi, di alaman ni Sipupus Lombang Bona Pasongit.

Nada Eme on si Tamba Tua, Na dioban sian Salese.

Mamora hita jana Martua, Sonang di ate- ate.

            Assalamu alaikum.....w......w.

           

HATA NI NA TOBANG/  KEPALA ROMBONGAN

Manyambung, mangudut i hata ni kaum ibu, songon i kahanggi nami.  anak boru, pisang raut. Atas nama na tobang sian Sipupus Lombang. Bahat hami ucapkan bahat tarimo kasih, di sambutan muyu.

           Hami laoskon bulung ni dapdap, natubu di alaman,

          Parjuguk ni morak ku pe hu patatap-tatap, saut tulusma angan- angan.

          songon i Oppui sian Bagas Godang

          Haran ia do Pargajah gajah ni Silindung, Pahae Barumun tinggal Sosa.

         Oppui do na lambok marlidung , palalu angan- angan ni roha.

 Mangalap tukkot dinalandit, sulusulu dina golap. Semoga lakka on diganopan

 Mopop do hami tu gasgas, garang gariang kayu jati

 Mopop do hami mulak tu bagas, manyurduhon Burangir tu si Nur Hayati. 

 Oppot pangidoan on nada tulus, bolkas do on ra bunuh diri.

           Muda  adong bulung ni Appaga, Adong muse bulung ni piri-piri.

           Muda dung tulus baga- baga, Tontu ro dope hami manyunduti.

                        Muda hita kehe tu Janji Lobi, ulang tinggal janji Mauli.

                        Muda hita madung marjanji, ulang be hita ingkari.

 Di padan parjanjian tahun 1989, sangape di parmulak ni damang- dainang. Taikat do sada janji .  Ritcan namarmor -  mar anak boru lopus tu pudi ni ari. PATAH TUMBUH HILANG BERGANTI, MATI SATU TUMBUH SERIBU.

            Terakhir hata holos da morakku tu tondi badan simanare muyu, hami lehen  sada bukti.  Madung jongjong gaba- gaba, Mare-mare manyub pahulu. Hamu do marakku palalu baga- baga, So sonang saumur mangolu. hami sambut dialo-alo tu Balakka Sitolu-tolu, somanartarkon, manurturkon, manortorkon rittop di galanggang panortoran. sude mora nami. On noma andung holos nami, lakka nami harop do diganopi Oppui Na Tobang nami

                            Topet saat on bulan ari Rayo 1437 H, mohon ma’af lahir bathin, minal a’idin wal faijin atas kehilapan nami. Oppu i nada tola mardandi..

                            Unjam ni Pinasa. tona- tano ni Hapadan.

                            Na Manginjam do hape di hosa, Tano do nampuna badan.

                            Lakka on Ompu i  dapot di ganopan

                            Tombus suhut angan- angan.

                            Janji lobi tu Hasahatan, Di hata nahurang lobi, hita marsima’afa

                                                                                             Assalamu  Alaikum w...w...

ALUS NI INANG NI BORU/  NAMBORU NA.

Syukur Alhamdulillah tu Allah swt. madung mangalehen Rahmat Taufik tu hita bersama, bertatap muka di Huta Lombang on , tanggal 15 Juli 2016 di naek ni Mataniari dalam rangka mangalap tukkol di nalandit, sulu- sulu di nangolap, di gadis nami si Nur Hayati br. Harahap Sidakkal, dongan sajodoh babere nami margoar Azis Setiadi Siregar, tu Sipupus Lombang.

 Solawat- salam seirng tu Ruh ni nabitta Muhammad saw. mangangkat  martabat manusia sian zaman jahilia tu zaman sonnari. Semoga hita di beri safa’at di kemudian hari.

            Manjagit hata ni Eda, Boru, halak bayo , babere, umumna rombongan sian Sipupus Lombang, job  rohak ku baya, lomo roha, harana hami on baya elek do hami tu anak boru. Apalagi tepat on bulan hari Raya 1437 H, bulan marsi ma’af- ma’afan, sareto adong silua tu hami. namalo mangelek. antong.

            Mambege andung holos na,  mangibo tangis mangandung pajojorkon tu hami morana, marosros baya ate- ate, manyalap tukkot di nalandit, sulu- sulu di nagolap, inda be mangido , janggap mada hulala,  tai mungkin sian donok ni koum, puraga roha. Takkas do Eda, nadi au, napodo pabagaskon au, naposo roha dope borukkon, na malo mardahan hayu, namalo margincu, namalo marilu , bahat dope na tarpajojor  Eda,  marsak rohakku, mulakma hamu,  tai disi rahakku. Apalagi bayokku mantanku, tai dison dope akkang umat ni si Pahu, ho mada manjawab na.                   Assalamu Alaikum,w...w.

                        ALUS NI NAMBORU NA DI BAGASAN HUTA

            Mambege jangit ni Edakku sasudena , na nguda, arsak rohakku,

            Pangaritan – pamonggolan, oban on tu ratting ni Bulu,

            Parkatcitan – pardangolan, oban on tu jae-tu julu. adong do pahompu ku.

                        Landi dalan tu Gariang, landit an dalan tu Sidongdong,

                        Hancit  namar sirang, hancitan nahona potong. na lehen on ku.

Santabi ni ayah poso , sebangai na tobang. Bukan do tanoman nasora tubu, tai tano do naso manarimo. Bukan do Pareban !  hami inda setuju, Pahompumi do ! inda restu, harana ia pipi tobu. Akhirna ia gigit jari ,ulang attong membisu. Hami potong di pasar Minggu. Ma’af da pareban di tondimu.

            Oh....... Aya posokku, siadosan ni badan simanarekku, Au do makkusing nadi boyom di Huta Lambang on , songon on ma baya baen on mu tu borumu. Hubotodo Lasiak di roburan, bolas mardakka pe suada. nasiak panomuan , bolas marhatape suada. nadong di au. ( sambil tangis margaya-gaya ). Soban di parapi,  api na melus- elus, Sobar do najadi, mandel nada tulus. Lakka ni si Nur Hayati hu pabulus asalma adong apus ilu. ( rap martata be ).

Posma rohamu pareban hami lehen pe saribu, asalma tulus (alus ni naro.)

 Tali di patali-tali, Baen on ihot ni Simbora

Tahi di patahi- tahi, Bentak i do dalan mamora

                                                              

           

JANGIT NI AMA , IBOTO NI BORU.     

Mambege jangit ni Nattua, Akkang, Opung suhut, namboru, sak rohakku, Ia taringot tu holos, na mangido tukkot di nalandit, sulu-sulu di nagolap, borat dokdok hulala manjawabna. Muda hutatap bohi ni Nattulangmu bere, humitir pamatangku, dosar-  dosar jantung mudarku. Boto hamu bere, sifat ni boru Regar, ra doi manektek andora, mamutar pusot niba, bahkan long marta on, mardandi mangan. Takkas do bere ! di dapur do payung kerajaan i. Mangitub do buraring i.

Adong surve, membuktikan, ise- ise mambuat boru Regar, dongan sabagas na, maninggal dunia bayo i, lopas siksa kubur, harana madung habis ajab bayo i. di Alam Dunia, sugari tardokkon ampun kakak do bere leng adong harga diri.

Marsaksi marsitorang hita bere, ihut pemenang ma uhu. Inda tarluluskon , bodo pade hita bere, marbada i dohot nattulangmu,  marbagi barang nadidok na. Puaso lahir bathin inda marujungan. Sobar kamu bere, sobar hamu  inang.

Harupe songoni dison Oppung mu, panyakan ni Burangir Na Hombang, ia ma i. Tatap jolo mata ni Nattulangmu tu au bere. Haran naso hamu doda..senyum.

            Assalamu Alaikum......w.....w ( sambil senyum ).

JAWABAN – ALUS NI ANAK BORU NA.

Santabi sampuluh,  sampuluh noli au marsantabi, tu Rajaku , Raja Panusunan Bulung. Muda hutangi andung holos ni kahanggi- pareban kon, takkas layas do on. Tubu ma pege-pege,  Natubu di  alaman. Sora ni pareban on hu pabege-bege. Sata on sampe mate mardandi mangan.

Harana, Au pe pordo rohakku manyunduti, disi anak- pohompukku.Na..... tama , tai lom-lom manis, gonan do pareban, putus tali kataya, tinggal pasangan.   Si Nur Hayati di hami. Au do dongan juguk- dongan jong-jong, por do iboto ku rohakku manyunduti, suada di tangan nami. Mohon Oppu i di pertimbangkan.

Santabi jolo Na tobang nami. songon on do pareban.

Rere ho so tardungdungkon, Sibarebe di Sigalangan. Kehe ma hami, so tarlungunkon, Dalan on naso tarambat. Di tekenma Oppu i ma surat dalan. Harana  hami Haruaya Mardomu Bulung. Harahap,- Siregar marsilehenan,- marsibuatan. Ulang be ho tangkang, sabar do najadi. Hormati keputusan.

Oppu i da Rajakku, Mora nami nahu parsangapi, hujujung do darajatmu.      Muda bolas Paritcoran, Itcor ni Portibi .Muda bolas pangidoan, adong topot ama nai . Ipe nada tarkobulkon , gonan noma bunuh diri, sangape pinda huta noma hami. ( natola bere pajongjong mandera di Luat nami ) porang do i.

Ale pareban..... Salang siala di dung dungan, Mur dongdongan   so di rait.                 Salang suada diluluan. Mur adong so dijangit. Posma rohamu, sagalas kopi.

Alat le baya nasip on nasib ni si bari- bari. ( tangis mangandung  ) baya.

Assalamu alaikum...w...w......

                                                                                                                            

                        TANGAPAN DAN USUL DARI MORA NI MORA.

                                                                                                                                                             Mambege, memperhatikan, mengingat dan menimbang :  hata ni pisang rautku sian Sipupus Lombang, beserta rombonganya, di huta on,  anak borukku di Huta Lombang G. Tua. Job rohakku, otak panas,  hati dingin. penuh ambisi, tampa emosi. keputusan sidang tu Ompu i.

Atas nama mora ni mora , mangalehen usul tu Ompu i Sian Bagas Godang :

1.     Pisang Raut na ro inda odong kehilafan, ke alfa’an, syarat- rukun lengkap:

a.     Tubuan anak, tubuan boru di tahun 1989.

b.     Antara si Nur hayati dengan si Azis saling setuju. bukan roman picisan Zainuddin -  Hayati di tahun 1938

c.      Ro do halai sian pittu tonga si pitu Bukkulan. utang budi di bawa mati

d.     Maroban silua di namangolu, sidoka dung jumolo.

e.     Tahan do di sibottaran, di sikuningan, adat, ibadat undang- undangta

f.       Halai sapanggadongan marmoga- moga. dohot do morana.

g.     Adong Akta Nikah atas nama negara dan Tuhan.

Pisang raut ku di Bona Pasongit G. Tua Huta Lombang on.

a.     On mai na makkusing nadi bayom, singgang junguk di alaman, tahan di bekbekan, sisuruh on, tangan siambirang ni Raja i.

b.     Namaniop Surat Tumbaga Holing ni Raja i.

c.      Parorot pamatang ni boru ni Raja i, khusus si Nur Hayati.

d.     Panjago pittu gorbangan  Jae- dohot Julu. onma kelalaiaimu

e.     Ada perdamaian asalma ada apus ilu ni namboru. tu kopi ni amang boru. adong mai sian mora ni mora. ( bia de kajak na tulang ) 

f.       Pangidoan, hum angan- anganmu doi.(sosakdo nafasku  pambaenmu aupe rado on bunuh diri, inda giri-giri, saotikna mangarondami  )

Berdasarkan data –data on da Ompu i si Bagas Godang, lehenma sada keputusa, ketetapan yang jelas, parsidangan on Ulang horbo lusuk.

 Santabi jolo Raja ku, Iboto ku, Aya Poso ku :  Usulan ni Mora ni morakon, berpihak sebelah, sosak do  hulala nafas i , gal  hosaku. naik tensi.

Tudia dehe hu dung-dung kon, Bulu on namardaol-daol. ( tangis mangandung )

Tu ise dope Rajaku hudokkon, Nasip pananggungan madung dangol.

            Nasip ni Tobu di  Gariang, tiop buhu marpanosoti.

Nasip ni badan namarngiang Tiop mangido tottong di pasili.

Tatap- tahilih on jolo Rajakku.  Iboto mu dohot Namboru mu , nama lungun itte-ittean di haroro ni gadis muyu, pangisi ni bagas mardinding bulu.

Santabi da di Ompu i sian Bagas Godang, di parsidangan na mulia on.

Ompu i do najuguk di bondul na opat, sipitu bukkulan. Tappul gogat maroban. Apa-pun keputusan, ketetepan, itulah yang terbaik.

                   

                    HASIL  KEPUTUSAN  MUSYAWARAH  DI SOPO GODANG.

                    Atas nama Na  Tobang, Tolu Sada Gulan, Ompu i sian Bagas Godang ;

Mengingat dan seterusna.

Menimbang dan seterusna.

Memutuskan  dan Menetapkan  :

Pada hari Jum’at, tanggal 15 Juli 2016, Jam 10 wib, ari sibulus- bulus, simonang- monang, ari nadenggan di hita namar koum.

Dengan Rahmat Tuhan Yang Maha Esa, suruhan ni Nabita saw. serta hasil musyawarah di Sopo Godang Parsidangan :

                             M e m u t u s k a n  dan  M e n e t a p k a n :

1.     Lakka ni anak boruku sian Sipupus Lomabang  dapot di ganopan. dohot pangidoan ni Urak kaya dipertimbangkan.

2.     Si Nur  Hayati di hobar adat hapadean, tu jolma, tu negara apalagi tu Tuhan,  Allah swt.

3.     Nada tola marsarak haran ni bada, akkon di sarak ni tumbilang

4.     Sahat mara ni si Nur Hayati, Ngolu dohot matena di Sipupus Lombang

                                                        Ditetapkan ,15, Juli 2016. di G. Tua Huta Lombang

                                                                   Atas nama Ompu i Sian Bagas Godang.

                                                                                                       

                                                                                                   DOT

                                                                       TONGKU BOSAR HARAHAP.                                                      Mangan ma hita mangarere.                                           

            Mangan di sopo saba, 

            Hita ma ubat ni badan simanare

               Madung sonang di bagasan roha.

                   Madung latlat songon adian.

                   Martinudu songon dalan

                   Martanda tu hari hapudian

                   Jana duppang hagabean.......Lakka muyu madung di ganopan.

                   Tanda ni Aek Batang Pane.

                   Bahat doi batu Porkas.

                   Tanda na ni’at madung sampe

                   Tadokkon tolu noli hata, = H o r a s...H o r a s...H o r a s =                                         Selanjut na Urak Kaya hita lanjutkan 

           Marsidang Adat ni boru marbagas s/d 13 wib.

           Marsidang  Pakkal Api Martimus di Huta Lombang on s/d 15 wib.

           Ancogot, tanggaj 16 Juli 2016, jam 9,30 wib , Palakka boru, si Nur Hayati tu Sipupus Lombang. diambangi sada horbo sioppang Bahai dohot gondang.                               

            CONTOH HATA NI HORJA HAROAN BORU PAKKAL API MARTIMUS.            

HATA NI SUHUT BOLON DI BORU RO.

Bahat hita mandok syukur, tu Tuhanta na kuaso i,  madung mangalehen umur, hatorkisan ,  parsuo an dohot lapang ni waktu dapot hita marsuo martatap bohi di halaman ni Sipupus Lombang, Anji Akkola, Padang Bolak Julu, dalam rangka sijob ni roha, ima boru ro,  di amatta Kari Imom Muda. Solawat salam tu jungjungan ruh Rosululah Mahammad saw, semoga hita dapat safaat.

            Sattabi- sappuluh, ...sappuluh noli hami marsattabi,....hami susundo jari sappuluh,...pasabolaskon simanjujung, tu badan simanare ni koumku, sian hami suhut bolon, ro  di anak boru, asa pisang raut, hami sapang gadongan, masyarakat ni desa Sipupus Lombang, bahat mandok tarimo kasih tu tondi – badan muyu, sude Raja, Namora , Alim Ulama, Mora,  hula dohot dongan, di pasurung- dipalobi, tu Amatta Raja, Raja Panusunan Bulung, namaniop tali tinuttun tondi ni parsidangan on, di ari Sabtu, tanggal 16 Juli 2016, jam 15 wib sampai selesai di tanggal 17 Juli 2016. Muda hami tatap- tahili on parlingkaran  ta , jop roha, sahutma baya baga- baga nami, patuluskon niat di bagasan roha.

            Haporas ni si Matorkis,...Didurung di songot ni ari,....Horas sude Raja nami jana torkis,...olat ni on torus tu pudi ni ari. Malos dingin- dingin,...Molos sarang banua,...Horasbe tondi madingin,....Ulang be adong barang mahua. Doa dohot harapan” Tolu dikali tolu,... Tapagonop ma sambilan,...Leleng be jolo umurta mangolu,... Dapot marsuo di ari andingan. Ale Rajakku ,...Raja nami hami rambas  bulung ni rao- rao,... Natubu on di alaman,..Badan do Rajakku napadao- dao,... Tonditta i totopdo marsingom-goman, na itte di siria on, tangi di silulut on sampe zaman berkesudahan. Adat- ibadat hombar - lilit di hangoluan- hamatean.  Hita tuntut ilmu al Quran, roma i tutur hapadean.

            Muda tujuan ni salam, sangape Burangir na hombang, dua sarakkap,.... sohombang tahi ni Raja, rakkap tahi ni namora, di galanggang paradat on, nadidok Pakkal ni api martimus, dison do i kahanggi, anak boru, hatobang on nami, palalu isi ni burangir na hombang, na opat ganjil,  lima gonop tu badan simanare ni Raja nami di galanggang nasomarrongit- tapian nasomar litta.        

Sahat- sahat ni solu,..Nasahat tu panggabean,...Sehat bema umurta mangolu,... Sahat muse tu hagabean.

Raga- raga sai tus-tus,...Gaba- gaba di alaman,..Baga- baga muda madung tulus,...Tonditta i totop marsigom-goman.

Di basah lungun on punggur diginjang modom ma di hami , dapot hami tumbas di ari parpudi, Oppot sai nada tarbalos da Rajakku amal nasosesa di hamu

Gunung Tua , tu Palopat, Ditompang motor Batang Pane

Sai dapot umur nabarkat. Totop di bagasa dame.

Horas ma hamu koumku,  sehat muse saumur badan.

Botimaaaaaa.  Assalamu alaikum w  w

                       

HATA  NI  KAHANGGI  NA

            Manyambung, mangudurkon hata lidung ni suhut sihabolon an, dalan ni pakkal api martimus di alaman ni Sipupus Lombang, ima i boru ro, di damang nami Kari Imom Muda, di ari Sabtu, tanggal, 16 Juli 2016, jam 10, wib sian alaman ni huta Lombang , Gunung Tua Paluta, di gadis ni Tk.  Pardamean Harahap Sidakkal, si Nur Hayati,  dongan rokkap matua Bulung ni  si Azis Setiadi Siregar, nadi alap maratar- atar, habuatan sian pittu tonga si pitu bukkulan, bagas godang. Lakka sian pittu tonga paradaton, randang- rinding, kahanggi, anak boru, pisang raut, hatobangon,  haraja on  lengkap Naposo Nauli Bulung sian Sipupus Lombang. Diambangi sada horbao sioppang bahal.   Ditata- di togu- togu tu galanggang panortoran paradaton, manortor di jolo ni Ama- Ina , haraja on di luat ni Tolu Sadagulan, Purba, Gunung Tua, Halongonan, tanggal 15 Juli 2016, mananda on , madung salose adat- ibadat ni boru marbagas. sareto paraturan ni negaratta nomor: 1 tahun 1974.

 Pada hari Sabtu, tanggal 16 Juli 2016 , jam 09 wib di sambut – di alo- alo tondi badanna di Balakka sitolu-tolu, satongan dalan dohot gondang simare- mare tondi, diambangi sada horbo sioppang bahal tunggal mangasa gogo, pangupa –pangalo- alo tondi badanna di alaman ni Sipupus Lombang, hula dohot dongan. Madung dapot hita laksanahon di naik ni mataniari i.Semoga dapot nur nadenggan tu dirikta bersama, ima i didokkon manyambut boru ro. Mulai sian parbasuan, aek nangali, sattan pamorgo- morgoi, itak nagurgur, sira, pege, gulo ni Bargot, indahan las dilengkapi pangupa horbo sioppang bahal, lalu di surduhonma Burangir dua patik , Burangir horas- horas, sekaligus Burangir baga- baga/ taon- taon , tu tondi dohot badanna. sodapot disurdu on Burngir Sampe- sampe di ari Minggu. 17 Juli 2016 jam 15 wib. sampai selesai.

Haran ni ancongotma hari simonang-monang, sibulus- bulus, hari Minggu, tanggal 17 Juli 2016, di naek ni mataniari jam 15 wib so dapot diturtur kon pira manuk nadihobolan, dohot didok hata simora- mora tu anak dohot parumaen, soselamat rumah tangga yang Sakinah, Mawaddah wa Rohmah.

 Haran ni Oppui do Pargaja -gaja ni silingdung, Pahae Barumun tinggal Sosa . Oppui do na lombok marlidung , palalu niat di bagasan roha. Sian i da Rajakku, Manganma hita mangarere, mangan di sopo saba, Hamudo ubat badan sima-nare, tontu baya sonang ninna roha.

 Hami lehen sada bukti tu Raja nami, ima i: Madung jongjong gaba-gaba, Mare-mare manyub pahulu. Hamudo Rajakku palalu baga- baga, Sosonang saumur mangolu  , napasahatkonma tu raja nami. Ulangbe dilanglang panyusayang.

 Gala-gala ni Aek Tolong, Atcim so mardai sira. Sapala-pala namanolong, Ulang nian dilanglang hira-hira.

Dison dope anak boru nami, mohon dilengkapi’   Hurang lobi hata nami rajakku, mohon diganopi na tobang nami Pangondian  

Assalamu alaikum.

                                   

HATA NI KAHANGGI  -  PAREBAN

            Mangudurkon hata ni suhut sihabolonan, kahanggi na, hami pe sian kahanggi, lalu pareban, luar dohot dalam, nadi bolus ni partuturon sian akkang Kari Imom Muda, hami pe leng na dohotma pasahatkon tu Raja nami.

            Ulang baen hami mamolus Balimbing,

            Apalagi dalan na  jambatan  Rambin,

            Ulang hami Rajakku dibaen terombang- ambing

            Apalagi terus- terusan tersiksa batin

            Muda dung dapot hita palalu niat baga- baga akkang Kari Imom Muda tu anak dohot parumaen na , hami bahat hanturkon tarimo kasih.

                        Aek Godang simpang tolu,

                        Batang Onang, tu Sibuhuan

                        Leleng be jolo umur mangolu

                        Dapot marsuo di ari na andigan           

Dalam suasana job ni roha, dao na ulang donok parsaulian. Dao dan harapan tu Tuhan ta Na uli Basa i, sareto dapot muse di safaatkon Nabitta Muhammad saw, semoga hita sude mar moga –moga. marsonang roha.

                        Ari las di si Mago- mago,

                        Andos potang di patcur Pakko

                        Hami ikhlaskon ma sude koumku parjolo masuk Surgo

                        Ulang hami on rakyat ,-  masuk tu Narako

            Atas nama kahanggi- pareban  naturut- serta ma pasahatkon tu raja nami lopus tu ancongot, pasahatkon acara patua ekkon di tapian Raya Bangunan, songoni muse  hata simora- mora. peralihan sian naposo tu matua bulung

                        Sugari bolas pangidoan . Anak dohot parumaen totop saroha. Ulang marsarak haran parsuadaan ; sangape bada. Rap sadalanan sampe matena, ulang marsarak di hangoluan tai akkon di  sarak ni tumbilang.

Si bual- buali tu Sorip marapi,

Dolok nai torus martimus;

Semoga semangat ni halai ber api- api,

Manjalaki balanjo na tulus.

            Do’a dan harapan , tu Tuhan ta na kuaso i:

Malos dingin- dingin,malos sarang Banua.

Horas tondi madingin, Hita sude marmoga- moga.

Eme si Tamba Tua, Tu rirang ni saba  si Rohot.

Tuhan taido namartua, Sude tonditta diparorot.

On noma hata sahat sian hami kahanggi lalu pareban tu raja nami.

Disalong bulung ni Sikkoru, Sikkoru ni Sigalangan.

 Dison dope anak boru, Hata 0n Lae bahat dope naha tinggalan

                        Assalamu Alaikum Warohmatul lohi wabarokatuh.

HATA NI ANAK BORU NA          

            Mangudurkon hata ni tulang, sangape tunggane, hami pe sian anak boru manyusun manuppak disi noma hata nami anak boru, leng na dohot ma hami pasahatkon tu Raja nami. hula dongan sasudena.

            Ditalpok bulung ni Botik, Bulung nai marpora- pora.

            Hami tamba hata on saotik, Mangudurkon hata ni mora.

            Muda godang ni niatan nami sapanggadongan di Sipupus Lombang on. Leng Eme ni sitarolo, Di ordang diari udan. Adat ni oppungta na jolo, On ma na hita pauman- uman. Gondang si mare- mare tondi, nadi rajaan ni bulan dohot nadi Rajaan  ni mataniari, mulai tanggal, 16 sampe 17 Juli 2016. Ulangbe nian singot-ngot di bagasan ipon, tukkol di bagasan ngodol. Sohabang Borong- borong, Nasonggop tu tandiang, Mago nian namorong- orong, Mamok-mok sibuk namarnyiang.

            Muda pulungan da Rajakku, madapot dipasadio, sada on madung di halalkon guru, disaksi on raja, namanjadi pangupa pangalo- olo ni boro, hula dohot dongan, sareto madung diparsaulion di naek ni mataniari i. Ima i horbo si oppang Bahal, tunggal mangasa gogo,

 Sada nai muse Tobing gargaran, na lomlom, pangambagi si anak ni Raja, ima  namar sidang, maralok- alok on disursur ni sidumodang ari,  jam 15 wib  di raja an ni Bulan. Onpe madung dapot hita halalkon, sareto habis hita,  sian  na marsidang on,  hami anak boru , pata on tondi dohot badan. sodapot hita parsauli on, jadi nur tu diritta.

Sada nai Horbo Simaradang Tua, namangasa gogo, monang mangalo musuh  kalah mangalo dongan. Onmai parkasayaan pangupa ni boru namora dohot si anak ni Raja, di harejotta  di rajaan ni Mataniari di tanggal 17 Juli 2016. Sodapot di gobak Oppu i sian Bagas Godang , Raja Panusunan Bulung.

Bahat hami hanturkon tarimo kasih turaja nami, koum kahanggi,  harana Oppui do :  Par Gaja-gaja ni Silindung, Pahae Barumun tinggal Sosa, Op puido nalambok marlidung, pasombu lungun ni roha. Puraga roha mangandung makkolos tu appuan muyu Rajakku, so dibaen balok- balok lakka matobang paradaton, goar peralihan sian naposo tu matua bulung , madung di sepakati di tahi di sopo Godang Paradat on, ima Di daulatma, di nobatkon goar ni bayo pangoli AZIS SETIADA SIREGAR, SYAH  PADUKA RAJA  BARINGIN   NUSANTARA SIREGAR. NUR HAYATI BORU HARAHAP PUAN KHAIRANI BARINGIN NUSANTARA BORU HARAHAP. Sodapot di restu i Oppui sian Bagas Godang

 Bargot ni Sipirok, Gulo nai ubat niguas, Jot-jot do Raja i hu paingot- ingot Oppui naringgas sareto si denggan roha.

Sangape , Lelan ni Barumun , Lamase ni Sirumambe, Rajakkuma ubat ni lingun, So sonang ninna ate-ate.    akan saya kenang lopus mate.

Assalamu alaikum....w....w

                       

HATA NI  PANGONDIAN  PANGGUALAN  BISUK.

            Atas nama Pangodian ni Sipupus Lombang, Mambegi lidung ni anak, kahanggi, anak boru,  pisang raut, umumna hami suhut bolon sapanggadongan, aha barita, na tutu- na peto mai. Muda pakkal ni api martimus di hami di Sipupus Lombang :  1.  anak tubu,  2.  bagas na imbaru.3. boru ro. di anak ku KARI IMOM MUDA, Madapot on di tahi- dipokot di sopo Godang Paradat on. hami sahuta apa lagi diluat on.

            Muda hita Jurnal prosesi siulaonta da Oppu i; kahanggi dongan saina.

1.     Di tanggal 12 dohot 13 Juli 2016, martahi dongan sahuta dohot luat di Sopo Godang Paradat on.

2.     Di tanggal 14 Juli 2016,  mangottang raja hula dongan/ mora.

3.     Di tanggal  15- 16  Juli 2016, mangalap tukkot di nalandit suluh- suluh di nagolap tu Huta Lombang, G. Tua, Paluta, s/d jam 9 wib.

4.     Di tanggal  15 Juli 2016, palalu niatan anak tubu, dohot mangondok  bagas na baru, lalu mamuji muji nabi.

5.     Di tanggal 16 Juli 2016, jam 8 wib, haroro ni kahanggi dohot anak boru anak boru tu Balak Sitolu- tolu.

6.      Jam 10, wib mangalap- mangalo-alo boru ro tu balian ni huta Balakka Sitolu-tolu s/d 14 wib.

7.     Di tanggal 16 Juli 2016 jam 15 wib acara:

a.     maralok –alok di galanggang paradaton.

b.    mangalo – alo mora di Balakka Sitolu-tolu.

c.     jam 17 wib mora margalanggang s/d jam, 20 wib.

d.    Dari jam 21 wib  di tanggal 16 Juli 2016 s/d 10, wib di tanggal 17 Juli 2016  acara na di rajaan ni bulan.

e.     Di tanggal 17 Juli 2016 jam 11 wib acara nadi rajaan ni Mataniari sampai selesai mangupa.

Onma tertib acara nahami sepakati di Sopo Godang Paradaton,tanggal 13 Juli 2016, sekaligus, pasahatkonma tu raja nami, ulang nian di langlang, pangusayang, ulang singotngot di bagasan ipon,  tukkol di bagasan ngadol.

Taringotdo kirim solom ni  Natobang sian alaman Huta Lombang ,imai poti- poti , Sikatal- sikatilli, Harambir ni Panobasan, Mare rap hita jama- hita ligi , Ahado isi na di bagasan. Hape  Abit Godang Baganding Tua, lengkap pakean si anak raja dohot boru na mora, dimomos dibagasan poti-poti harunduk panyurduan,  tonunan ni buru Regar sian Sipirok, di giring- giringan di Siantar, disimataan di Balige, di rambuan di Siborong- borong, di tabusan  dipasar Gunung Tua Paluta, manjadi gobak- gobak di ari ngali, undung- undung di ari las, jadi partua on di bagas na godang, sar tarbege mamokmok badan namarnyiang tombus niat nazar.

 Atas nama Pangondian, pasahatkonma tu raja nami, ulang jadi tonan dihami. Semoga buruk tasik maroban napu, ulang nian maroba bala. Saksi bisu di paradat on. sampe marsege-sege abuan, bukti sejarah nasosesa, tak lekang di panas, tak lapuk di hujan zaman berkesudahan .

Burbar ombak , dobur-dobur  laut siboga. Riak nai mardomu tu tonga. turtur kon, tortor kon palalu baga- baga, hita sude nahadir marmoga- moga.

Taringot pangidoan ni anak boru, so dibaen goar balok- balok tu matua bulung, AZIS  SETIADI  SIREGAR, hita nobatkonma, hita daulatma, SYAH PADUKA  RAJA BARINGIN NUSANTARA SIREGAR,  NUR  HAYATI BORU HARAHAP, Puan khairani  BARINGIN NUSANTARA BORU HARAHAP. di

            Hari            : Minggu,  17 Juli 2016 , Jam  14 wib di Sipupus Lombang.

            Harana hita do puna Balakka sipukka Banua,  Haruaya mardomu Bulung, di luat longgom Padang  Bolok Julu, semoga ulang be barang mahua.

            Mengenai landasan ni horjatta, di jamita ni anak borutta, tutu ma i.Sada horbo sioppang bahal, Tunggal mangasa gogo. pungupa pangalo-alo ni si anak ni raja dohot boru namora, hula dohot dongan. dinaek ni mataniari, tanggal, 16 Juli 2016 sampe jam 14 wib. Sada nalomlom, tobing gargaran, pangambangi raja, hula dohot dongan, parkasayaan di horja nadi rajaan ni bulan. sampe jam 8 wib.Sadana i horbo simaradang tua mangasa gogo, pangupa pardomuan, parkasayaan dihorja nadi rajaan ni mataniari, sampe selesai, 17 Juli 2016. akkup ni pangupa, pira manuk na dihobolan. Hata simora-mora.

Tappalma hita marsipagodangan, udut marsipanginjangan, mare hita marsipatua-tuaan, soma solkot parkouman. Naganggang hita pasolkot, nasolkot hita pasada, anso margogo songon tukkot, patorang dalan sotarida. Hamu koum nami nadi ratto, marsilua hamu horbo sioppang bahal tunggal mangasa gogo, kalah mangalo dongan, monang mangalo musuh. manjappal tu balian, mangalnge i tu bagasan, muda adong siula on so dapot hita parsauli on. Manjadi nur salamat tu diritta , pangattak nadi larang ni Tuhan, sekaligus dalan sidokah tu halak dung jumolo. sangape dalan marinfak tu nadi ridoan ni Tuhan, Mesjid Nurul Iman.

 Tubuma pege-pege, na tubu di panyurbuan, Sora muyu pe hupa bege-bege, hu pardomdomkon nadabe ra mardandi mangan. ulang be tinggal  di angan- angan, tondi badanta totop marsingom goman, sampe zaman berkesu-dahan, sabile- samalu dihangoluan,  hamatean. Pasahatma tu hamu rajakku, kahanggi.

Acarat ta da kahanggiku dongan sa ina di Padang Bolak Julu.

Sahat- sahat di Janji Lobi, Na tubu on di Sidingding Ari.

Adat ni Ompungta na rincan na robi, Hita pasuman- suman saon nari.

Hita tuntut ilmu Al Qur’an baru Adat Ugari tapaoli.

            Padang Bolak na manyalese, Na tubuan balakka- game-game.

            Keputusan ni Ompu i maroban dame, Hami kenang sampe mate.

Ditappul dakka Simartulan, Disuan di lambung ni baringin

Dung martamba sinadongan, Horas muse nian tondi madingin

Assalamu alaikum......w......w.

HATA NI MORANA DONGAN SATAHI.

            Muda adong bulung ni Appaga , Adong muse bulung ni Piri- piri

            Muda dung tulus baga- baga,  Adong muse dope hagiot nami.

             ima i Infak tu Masjid, NURUL  IMAN. Sipupus Lombang,

Mambege jamita ni anak borukku di galanggang sidang paradat on  di Sipupus Lombang on , Sabtu, 16 Juli 2016, job roha , lomo roha, harana madung ro partuah on di anak borukku , ima i : anak tubu, bagas na baru, boru ro

.           Sedang dalam proses parsidangan anak ni Raja . Sodapat di hagodangkon di rajaan ni Bulan dohot di rajaan ni Mataniari mulai 16 s/d 17 Juli 2016 sampai selesai. Sebangai puncak acarana Rajakku, mangupa - manurturkon pira manuk nadi hobolan, dohot mandok hata simora-mora. hata nasehat tu nadua si manjujung di naek ni mataniari di hari Minggu, 17 Juli  2016  jam 14, wib.

            Hami pe sian barisan mora  dongan satahi leng na dohotma pasahatkon tu raja di galanggang parsidangan on, galanggang naso marrongit, Tapian naso marlitta, So latlat songon adian, martinudu songon dalan, martanda tu hari hapudian, jana  duppang hagabean, di hita koum- markoum di paluta on.

            Muda dung dapot tapalalu, sehat saumur badan, padonok parkouman, Manat mardongan tubu, elek mar anak boru, hormat  baso tu mora, muda hita langgar i Putus tali kataya, tinggal pasangan, alamat parsirangan, Haran ni da Rajak ku, Lakka tu Parsariran, Manuat tu Parbunbunan, Sai tubu nian patcarian, Laju muse sude pangomoan, dalan padonok tu hadirat ni Tuhan.

            Besar harapan dan doa dari Kami, Suhut Sihabolonan, masyarakat Desa Sipupus Lombang, Padang Bolak Julu, acara  ini menjadi sejarah indah tak terlupakan, atas nama mora , kepada Raja kami di sidang yang mulia ini dapat di kabulkan, anso jong-jong Oppu i di Bukit Marsayang. Tartatap ma i tor Simago-mago,  Ulangbe dilang-lang pangusayang, Nasataralo ni gogo.

Tappal marsIpagodangan, udut marsipangingjangan, mare hita marsipatua-tuaan, somadonok parkouman. Naganggang hita pasolkot, nasolkot hita pasada, somargogo songon tukkot, patorang dalan so tarida, hamu nadi ratto, marsilua hamu Horbo Sioppang bahal, tunggal mangasa gogo, manjappal tu balian, mangalngegi tu bagasan, mohon ber infak, berzakat ke Mesjid Nurul Iman, Sipupus Lombang, Pd. Bolak Julu, Paluta, Su- mut.

 SESUE HATA SEKAPRUR SIRIH.Atas nama Panitia: BANGSAWAN SIREGAR, tu BANK  SUMUT, CABANG GUNUNG TUA, NO REKENING 231.02.04.014380-8. 1220050708640001. CIF : 01450216           231  15/ 06/ 2013. Nomor H .P. 082304612880.      

 Atas infak saudara kami ucapkan terima kasih.

Sidikkat tu Sigama,  ulang tinggalkon Padang Galugur.

Perbanyak amal Infak, Balanjo tu Alam kubur.

                                    Assalamu alaikum.......w.....w.

                                                                                   

                       

            Sebelum hata ni Suhutbolon di jangit/ ditumbas-dibalos i, maka Urak Kayo, Bayo- Bayo   Godang,  mengusulkan tu Raja Panusunan Bulung, berapa orang yang menerima  ( manumbas ) hata Sahat Pakkal Api Martimus.

            Madung disalong bulung ni kopi. Dibaen tu hadang0 hangan.

            Sude hata madungdiganopi, Inda adong be naha tinggalan. 

Arahan ni Ompu i  biasa na tujuh Kerajaan Perwakilan, lalu di susun  Urak kayo ma somar barisan songon eme, marsiat songon pisang :

1.     Natobang Natoras di Bagasan Huta,  Ompu i  Bgd. Gunung Barani Siregar

2.     Mewakili Harajaon ni Luat bona Bulu. Ompu i Tk. Sanjungan Siregar

3.     Mewakili Tano Sapanjang Banua Sadesa. Ompu i Bgd.Toga Langit. Daulay

4.     Mewakili Torbing Balok/ Nabalok. Ompui Nagorga Tano-Tano Hsb, Palas.

5.     Mewakili Mora 7 paluangan Jae, 7 paluangan Julu nadi alap, di olo-alo tu Balakka si tolu- tolu. Ompu i Bgd. Parsadaan Harahap, Tolu Sadagulan.

6.     Mewaki Pemerinahan Aparatur Negara, Camat Pd. Bolak Julu. Tk.Dame.

7.     Di bobok-,  Dibalung Ompu i Raja Panusunan Bulung, Tolu Namar Sada Ina Paoptkon Ibotona. di luat- longgom, Pd. Bolak Julu.

Selanjutna di alok- alokan ma Raja nadung di tottu on. Paralok- alok Napande penuh kata- kata sanjungan di haroro na tu huta Palkal Api Martimus Suhut sihabolonan bersusun madung digoar ni Bayo- Bayo Godang i.

CONTOH JAGIT NI RAJA PANUSUNAN BULUNG.

Ia  bo Imbo di Dolok, Marrais di sitada- tada

Ia  bo bayo pande maralok- alok, Malo muse mangelpas hata.

      Dirait hayu Andolok, Mardakka dua dohot sada.

      Hami jangit hata paralok- alok, Maroban tua dohot sahala.

Tapalalu tu Bonan Dolok, Lewat on do Laut Siboga.

Sanjungan ni Bayo paralok- alok, Tulus- sautma baga- baga.

      Bere na tama,...... do’a dan harapan tu tondimu.

      Si Bakkua kobun Salak, Bahat do disi Siala

      Di dunia di tanda halak, Di akhirat di puji Allah Ta’ala.

Muda lalu tu Janji Mauli, Ulang tinggalkon Batang Onang

Muda dung  naik Haji, Ulang nian tinggalkon maronang- onang.

      Muda dung duri ni Pakkat, tottu duri ni Hotang.

      Tu dia mangalakka, Tong sai dapot pangomoan.

      Semoga ilmu mu on dalan naborkat tuhadapan ni tuhan.

Bope bahat kobun salak- sialamu, Ulang  tinggal di Batu Nadua.

Bope bahat rasokimu,Ulang parni’at giot marsidua- dua.

      Inda maroban sonang i bere, marsirutcur doi, susah doi.

      Saima jolo sanjungan tu hamu paralok-alok nami. Sehatma saumurta.

Manjagit hata nikahanggi.

Lombok bulung ni eme, Nalombol mardayan duyun .

Lombok lidung di bege, On mai maroban lungun.

                  Kobun di Silinggom- linggom, Bahat tubuan Manggis.

                  Goarku Kari Imom, Na... tama, tai nalomlom manis.

Bope songon i. Nada ra Ompu i tu Batu Nadua. Bope donok Muara Tais. Nada ra Ompu i  marsidua- dua, Bope bahat ro anak gadis.

Harana da kahanggikku, hita siregar salak on parlomlom na ima parlakuna,  tanggung jawab na ima parmanis on na.

Do’a sekaligus harapan tu Tuhanta Nauli Basai,

      Hita rambas bulung ni Rao- rao, Tubu on di alaman.

      Hum badan do padao-dao, Tondi i totopdo marsigom-goman.

                  Sampe zaman on berkesudahan, Hita totop saiman. saparasaan.

Assalu  alaikum......w.......w.....

                 

Manjagit, mambalos i hata barita ni suhutbolon, kahanggina, pareban na, anak boru na, pisang rautna, madung dipajelas di patakkas Pangondian lalu di dokdoki morana, di Galanggang paradat on, galanggang naso marrongit, tapian naso marlitta. Job roha, godang situtu roha, harana ro dihita : Anak tubu, Bagas nabaru dohot boru ro .di tanggal 15 s/d 17Juli 2016, di amatta Kari Imom Muda, hamu masyarakat ni Sipupus Lombang on. lalu di hidangkon Air las, sitippul on, tanda mandok tarimo kasih tu badan simanare, sareto ro ma Burangir muyu tu hami, pangitean ni hata. Burangir Nahombang Dua sarakkap, Opat ganjil, lima gonop, so hombang tahi ni  raja, rakkap tahi ni namora di galanggang on.

Muda di patangi- tangi  jangit ni Amatta di bagasan Huta, Luat on, Tano Sapanjang, Torbing Balok, Mora na, Pemerintahan ta, hami ucapkon ribuan tarimo kasih. Madung pas songon takkuju di tanga padang marjalaki rura pardomuan, tu Raja Panusunan Bulung. Maniop tondi ni horja on. sehat saumur mangolut ta.

Muda isi barita ni Burangir Nahombang Dua Sarakkap, madapot hami pahami : Anak tubu dohot mangondok bagas nabaru madung dapot terlaksana di tanggal 15 Juli 2016, Semoga sonang ma saumur mangolu. Boru ro , onmai sedang hita parbincangkon, ulang be singotngot di bagasan ipon, tukkol di bagasan ngadol, salose niat, sombu lungun, mago panyakit.

Muda di haroro ni boru sian Huta Lombang G. Tua,  si Nur Hayati dongan rokkap matobang ni si Azis Setiadi, di alap maratar- atar, randang- rinding, kahanggi, anak boru, pisang raut, naposo nauli bulung, raja Panusunan Bulung, marpakean lengkap, marjambang mareyor -yeror,  margading marbule,  markaco mata,  rencong, tapak kudana. di palakka, dipabuat dohot gondang si mare- mare tondi sian Galanggang Panortoran Huta Lombang, disambut muse di Bona Pasongit  Sipupus Lombang dohot Gondang Sitinggual Langit, dialap satongan dalan tu Balakka Sitolu-tolu, diambangi horbo pangupa Sioppang Bahal.

Dung lalu tu bagas Namartua, junguk dihalang ulu tunggang bosar, diangkat ma  : sattan pamorgo- morgo i, itak , sira, pege , gulo dohot indahan las , dihiasi pangupa pangalo- alo tondi – badan, sareto disurduh on ma Burangir Sada Patik Dua maksudna, lalu didokkonma hata, so borgo tondi dohot badan, sehat , job ni roha, ima i baga- baga Burangir Sampe- sampe Sirara Huduk, Sibottar Adop- adop. sekaligus adat ibadat, akta nikah madung saloseh. Tarimo kasih kahanggikku di pelaksanaanna. partua on ma nian di hita sasudena. Onma isi ni barita ni Burangir,  sodapot di palalu, ulang tinggal di baga- baga, hami jangitma kahanggikku.

Manjangit hata ni anak boru, dohot pisang raut, mangudurkon hata ni morana, siap di sibottaran,  di sikuningan so tombus angan- angan, job muse rohakku, harana nasogot madung di halalkon sada horbo Siompang Bahal, sareto madung diparsauli on, sada muse Tobing Gargaran pangalo-alo anak ni Raja, madung dipataon tondi dohot badanta, sada nai horbo Simaradang Tua, ihot dope di hotang natiga tolu, tambat di hayu namangolu, na giot pangupa pardomuan, di tanggal 17 Juli 2916. sampai selesai.

 Berdasarkon on wajar, Eme ni Sitarolo, Disuan di ari udan. Adat ni Ompung na jolo, Onma hita pauman – uman. Takarejo on ma nadi rajaan ni Bulan dohot nadi rajaan Mataniari. mulai tortor :

1.     Tortor ni amatta Soripada.

2.     Tortor ni inatta Soripada.

3.     Tortoni si Dara Bujing ihut pandongan i

4.     Tortor ni si Anak Raja, akkup ni Boru Namora.

hita aturma selesai jam 10 wib, tanggal 17 Juli 2016, onma nadidok nadi rajaan ni Bulan. Haran madung maralih sian Naposo tu Matua Bulung, adong balok- balok, sebangai kenang- kenangan, hita resmi on ma sonnari , sodapot diumumkon di Tapian Raya Bangunan, jam 12  wib. onma nadidok nadi rajaan ni Mataniari, sampe selesai Mangupa. Sudena on hami jangitma sepenuh hati.

Habangma Borong-borong, nasonggop tutandiang. Mango namorong- orong, mamokmok sibuk namarnyiang.

Aek Godang sippang tolu, Batang Onang tu Sibuhuan. Lelengbe jolo Umur mangolu, sonang muse di hangoluan.

Mangan mangarere, Mangan si sopo saba. Hitama sude ubat ni badan si manare, Tottu i sonang ninna roha.

Inda ungada tano mangelak di tinggang udan, Patcur mai paridian. Inda ungada tondi mangelak badan, asalma tu hapadean.sude hagiot ni anak boru, nadabe dilanglang pangusayang.

Muda hata ni Pangondian dohot Morana, tentang Abit Sibaganding Tua, hita pakema , gobak- gobak di ari ngali, undung- undung di ari las, berdasarkan : Pulungan Adat Manontu on. Syah ma dihirpaskon di galanggang paradat on.

Jongjong di tor Marsayang, Tartatap tor Simago- mago.

Nada be dilanglang pangusayang,  Nasa taralo nigogo.

             Gala- gala ni Aek Tolong, Atcim so mardai sira.

              Sapala- pala namanolong, Ulang dilanglang hira- hira

Panutup jangit ni hata ni Ompu i sian Bagas Godang, aha nia’tan nadi rajaan ni Bulan dohot Mataniari , marema hita laksana on penuh tanggung jawab, dan  hita resmi on goar ni boyo nadi oli  dohot boru na di oli :                                                   AZIS SETIADI SIREGAR, DINOBATKAN SYAH PADUKA RAJA BARINGIN NUSANTARA SIREGAR.                                                                                                                        Nur HAYATI br. HARAHAP SIDAKKAL DIDAULAT PUAN KHAIRANI BARINGIN NUSANTARA br.HARAHAP.

HORAS.....HORAS.....HORAS.....HORAS....HORAS....HORAS.......HORAS.......

Haporas ni Simatorkis, Di durung di songot ni ari. Horas hita jana torkis, Saat on lopus tu pudi ni ari. Marema hita samo- samo palalu baga- baga. Ta obanma tu halang ulu, tunggang bosar, manortorma ama- ina, hita sudena.

Di tetapkan di Sipupus lombang, 16 Juli 2016.

                                    Atas nama Ompu i Sian Bagas Godang.

                                         

            CONTOH HATA NI SUHUT DI BALAKKA SITOLU-TOLU.

Kata pembuka/ sambutan dst............

Santabi sampuluh, sampuluh noli hami marsantabi, tu tua ni morakku di Balakka Sitolu- tolu on,Adian Sisunggul Lungun  hami sambut dohot syukur tarimo kasih di haroro muyu, semoga nian maroban ubat sitawar sidingin di hami sapanggadongan. Bahat hormat, marsantabi tu barisan tulang,  nattulang, halak bayo dohot tunggane, songon i kepala rombongan.

Di rambas do bulung ni Rao- rao, Natubu di alaman.

Badan do da oppung hita padao- dao, Tondi i totop do marsingomgoman. naitte di siria on, tangi di silulut on, sampe zaman berkesudahan.

Di oban do bulung ni Dapdap, Dihombar batang na do durina.

Hum parjuguk muyu pe hupatatap-tatap, hamu baya ubat ni tondi. lalu di surduh on ma Burangir Sapa- sapa tu badan simanare muyu. Namarsapa, aha do luai namasa namuba haran nahadir di Balakka Sitolu- tolu on, Adian si Sunggul Lungun di balian ni huta Sipupus Lombang on. Job ni roha de luai, sanga arsak ni roha morakku. Muda ditatap di tahilion  pakean ni nattulang, halak bayo , tulang sude jeges nabaru. Sareto adong silua muse , ima i, Ihdahan Tuppu Pahoras Tondi, kantil, sasangun ubat ni lungun, songon i itak sapanggambiran.

Jotjot do hape morakku tu Sipiongot, maroban itak sapargambiran

Jotjot do hamu taringot, Anak borumon ulang ganjil bagian.

Dosar- dosar taroktokku  , dosir- dosir mudarku, dakdikduk jantungku, maradian di Balakka Sitolu- tolu on. Lehen hamu jolo morakku jawaban, so sonang umur mangolu. Lehen hamu jolo keyakinan tu anak boru, semoga haroro muyu jadi ubat sitawar sidinginma hami.

 So habang Borong- borong,  Nasonggop tu Tandiang.

So mago namorong-orong, Mamokmok sibuk namarnyiang.

Nazoman ma Huristak, Pitu noli sayur Sikkoru.

Raha ni morakku nasattak- sattak, Rela berkor demi anak boru.

Moga- moga nian Buruk tasik maroban napu, ulang nian maroban bala, tusude anak dohot pahoppu, simbur magodang, pengpeng laho matua, patuh mar orang tua, anak nasoleh, marguna tu bangso ta. khusus tu morakku. Muda on do dalan morakku hadir di Balakka Sitolu-tolu on , Adian Sisunggul Lungun , bahat hami ucapkon tarimo kasih.

Mardalan tu Sibio- bio, Tartatap mai patcur Pakko.

Hami ikhlaskon morakku parjolo  tu Surgo, Hami ulang masuk Narako.

Harapan terakhir da morakku  tu  tondi badan simanare muyu.

Ulang baen hami tu Balimbing, Bolus on do on Rambin.

Ulang baen hami terombang ambing, Apalagi tersiksa batin.

Madung ro angin Napa Goti, Alogo nai lalu tu Portibi.

Eda muyu boru angin panyunduti, Rela berkorban demi suami.

                        Assalamu Alaikum........w.......w...

ALUS NI  MORA DI BALAKKA SITOLU- TOLU            .

Manyambut manjagit Burangir Sapa- sapa ni anak borukku di Balakka Sitolu- tolu, Adian Sisunggul Lungun Sipupus Lombang on, nadi pasampe ni borukku, ibototku, amang boru lae songoni natobang, , job roha godang roha, dismbutan tarimo kasih muyu tu hami barisan mora lalu disuguh on aek las,  sitippulon, sareto disurdon Burangir Sapa – sapa. Dosar- dosar taroktok, dosir- dosir mudar, dak-dik-duk jantung muyu manyambut haroro nami.

Di tanggal 13 Juli 2016 , ro tongos an , ima Burangir nadi Tiktik tangan simangido muyu,  di pataru pat simanjojak manjojori huta ni mora sasudena, huliang homolo di Porlak ni Nabi Adam on, nadi gurat kon di Bulung rata, ima i Burangir Undangan, martuliskon, saboli- boli pangidoan sodapot hadir, harana ro di hamu partuah on :  Anak Tubu,  Bagas Nabaru,  Boru Ro sian Huta Lombang. Didok tahun Gajah.

Sadar atau tidak sadar ale anak borukku,

On dope hamu taringot tu Aek Bargot, lupa muse maroban Aek Aqua

On dope hamu taingot na marmora, hamu giot marmoga- moga.

Manetek ilu tu appuan tanda  holong  tu boru niba.

Hita saling pengertian, palalu baga- baga.

Sombu lungun , mago panyakit inda di ubatan, so ditartar kon  rittop di Galanggang Panortoran di ari Sabtu, tanggal 16 Juli 2016 Jam 16 wib sampe sonang ninna roha. mago na morong- orong,  mamokmok sibuk namarngiang.

Ale anak borukku si denggan roha, nauli basa, utang budi on di bawa mati.

 Nazoman ma Huristak, Pitu noli sayur Harambir di Portibi. Sambutan muyu nasattak-sattak, On ma baya ubat ni tondi Manetek ilu tu appuan, sabuhu jari- jari, ulang nian hepeng Rupiah martukar tu Ringgit, lupa hamu tu iba, harana gadis Harahap Tunggal Huayan i hona potong Harahap Sidakkal.

 Hu boto do Lae landit dalan tu Gariang, tai landitan dalan tu Sidongdong.Ho boto do hancit namar sirang, Tai hancitan na hona potong.

Jongjong hami di Tor si Bohi, tar tatap ma i tor sibual- buali. Ro hami menepati janji, Maroban ubat ni tondi. Indahan Tumpu pahoras tondi, kantil, sasagun, itak sapargambiran, di ambagi sada hambeng si Maradang Tua, doppak menek di tambat di palua- lua dung godang jadi pangupa.

Jangit bo tangan simangido job ni roha on, nadi gobak Abit Godang sian Sipirok, di giring- giringan di Siantar, malo hamu marjamita tu Na Tobang. Ubat sitawar si dingin ma anak borukku. sude babere, pohoppu simbur magodang, pengpeng laho matua di alam dunia lopus tu jolo ni Tuhan. Bia dehe sapanimbung laho tu ginjang, sapanombong laho tu toru. Riccan ma hita mora, anak boru sampe marsege- sege abuan.

Haran madung jongjong gaba- gaba, Mare- mare manyub pahulu. Hami do mora  palalu baga- baga,  So sonang saumur mangolu. Malosma dingin- dingin , Malos sarang Banua. Horas tondi madingin, Ulang adong be barang mahua. On pe mulak ma jolo hami tu huta, margatti baju, baru ro hami. Suang ma hita songon Suhat di robaen , marsitukkol- tukkolan, marsitolong- tolongan. Sabile samalu di hangoluan dohot hamatean.    Assalmu alaikum......w.....w...

BURANGIR  MAYALAP MORA SIAN BALAKKA SITOLU-TOLU.

            Manjangit hata ni sude morakku di Balakka sitolu- tolu on, job rohakku mambege na. Ro hamu morakku, haran naroma Burangir nami tolu ari nalewat, nadi guratkon di Bulung rata, mambarita on so ro morakku tu alaman ni Sipupus Lombang, madung ro Partua on di Lae muyu Kari Imom Muda, Anak Tubu, Bagas Na Baru dohot boru ro, sareto maroban silua di namangolu, sidoka dung jomolo, jadi ubat sitawar sidingin ma dihamu sapanggadongan. Sude koum sisolkot ta.

            Sian i sonang   ma  roha nami, hami anak boruna manyalap- mangalo- alo tondi badan muyu , mulakma hita tu huta, tu Galanggang Panortoran. Mengenai pakean ni Ompung ta najolo sundut i, madung hami siapkon lengkap- lengkip. Sodot diturturkon, ditartarkon, ditortorkon job gadang ni roha. Sombu lungun mago panyakit ni roha. Inda male diginjang dijomur, manguas ditoru sappuran. sisambut Gondang si mare-mare tondi. satongan dalan tu Galanggang Panortoran.

                                    Assalamu Alaikum......w......w.....

                        JANGIT NI HATA NI ANAK BORU NA.

            Inda tola be hamu tu Balimbing, Apalagi mamolus Rambing.

            Nada tola be hamu terombang- ambing, Apalagi tersiksa bathin.

                        Ari las ma di si Mago – mago, Andos potang di Patcurpakko.

                        Hami ikhlaskon hamu tu Surgo, Hami ulang tu Narako.

            Raga- raga sai tus-tus, Gaba- gabajongjong di alaman.

            Baga- baga hita patulus,Tonditta i totop marsigomgoman.

                        Lamase ni Barumun, Lamase ni Batang Pane.

                        Hami ma ubat ni lungun, Rap sonang be di ate- ate

            Hami jangit ma , muli ma hita tu huta , Galanggang Panortoran.

                                    Assalamu alaikum.....w....w....

Dalam proses dari Si Balakka Sitolu- tolu ke Galanggang Panortoran :

1.     Paling depan sekali adalah na maroban silua.

2.     Anak boru Inat ta Sori Pada, mangalo alo Edana/ inang na.

3.     Anak boru Amatta Sori Pada, mangalo- alo tulang/ tungganena.

4.     Semua rombongan randang- rinding hula dongan.

5.     Grub pargondang si Mare- mare Tondi.

6.     Parmomos anak boru sidol dolan naringgas.

7.     sek-seksi pengeras suara

Demikian yang dapat kami susun sebangai contoh, semoga ada mamfa’arnya.

            Di larang mengutip, memperbanyak,  mengkopi naskah ini tampa izin , kecuali ia berinfak ke Mesjid Nurul Iman. Sipupus Lombang, 11 Juli 2016.

            Bersambung ke acara nadi rajaan ni Mataniari.

            Setelah si anak ni raja dan si boru namora selesai manortor di jolo ni ama ina dohot haraja on, Ompu i Sian Bagas Godang, maka duduklah sebentar kedua mempelai di kursi yang di sediakan, lalu sisuguhkan air na las ( misalkan Aqua ) atau santai pamorgo-morgo i oleh anak boru. Istirahat sebentar, dilanjutkan acara nadi rajaan ni Mataniari, yaitu berangkat ke Tapian Raya Bangunan.

 Yang perlu di siapkan adalah sbb  :

1.     Goar ni bayo dohot boru na dioli, kahanggi, anak boru, pisang rautna.

2.     Pangir utte Mukkur,dingin- dingin, lappak ni pisang Sitabar, sambong , aek, soda, dohot abit parompa sasadung.

3.     Barisan Inanta Sori Pada, Hatobang on, Anak Boruna, Pisang Raut, sihadang Abit Godang, anak tubu digendong ibunya.  lakka tu Tapian Raya Bangunan. bersama- sama ( beriringan )

4.     Anak boru Amanta Sori Pada, manastas, manyapu rittop di dalan tu Tapian Raya Bangunan,  dua di boru namora. dua di anak raja, lengkap pandongani , dipayungan Rarangan, perlengkapan perang.( marmotcak )

5.     Rombongan Situan najaji, Situan na torop bersama- sama tu Tapian Raya diiringi Gondang lengkap ( Arak arakan penuh suka cita )

6.     Tempat marpangir di Tapian Raya Bangunan, di bangun anak boruna.

Setelah persiapan lengkap,tertib, (stanbay ).  Manortor ma Bayo dohot Boru nadi oli manyadop Ama- Ina dan Ompu i Sian Bagas Godang,  sa adop  do selesai, torusma berangkat tu Tapian Raya Bangunan bersama rombongan, lengkap dohot gondang. sampai, dilanjutkan.    A c a r a   m a   m a n g i r .

1.     Urak kaya membacakan keputusan Ompu i, goar ni Bayo nadi Oli, boru namora, kahanggii, anak boru, pisang raut, beserta uhum – ugari sangsi paradat on, tidak boleh mengiai- nyiakannya.

2.     Berita acara mamangir mulai dari  :

Suhut bolon, kahanggina, parebanna, anak boruna, haraja on, ditutup Ompu i Sian Bagas Godang. ( isi hatana, anso selamat berumah tangga dari dunia sampai akhirat.)

3.     Manyoda Bayo nadi Oli, Boru Namora sude rombongan Inanta Sori Pada

4.     Semau rombongan pulang, tu bagas Na Godang, madung inte Ama –Ina  sapanggadongan, haraja on,Ompu i Raja Panusunan Bulung, so ditur-tur kon pira manuk nadi hobolan. didok hata simora- mora.

Tanda ni Bagas Godang, dua encel sabariba.

Tanda ni godang ni roha, dua tangan manjangitna.

Laklak ni pisang si Tabar, di ginjang nai dingin- dingin.

Da o Begu Abar, horas tondi madingin.

Di pajugukma dialang ulu tunggang bosar, dilanjutkonma   m a n g u p a.

                di bagas parpidoan,  horas.....-horas......horas......